4/11/16

4/11/16   FRI   COOL

今朝又爆! 因為又趕時間, 仲仲又未換衫又要落樓, 所以以後都係要教佢一起身唔係玩玩具, 而係要除片洗面刷牙換衫先得! 結果我又顛咁冇理佢, 係人就鬧! 早咗去到青衣, 諗住去太興食早餐, 仲爺又想食, 但始終時間不夠佢都係冇得食! 返到公司都係做自己嘢先啦, 跟住都係開會, 午飯老細返過嚟一陣, 就發生事啦, 其實老細叫下星期有余記嚟, 執吓OFFICE, 咁我話哦…好呀, 求先黃經理執緊架啦, 某同事就話我咁講老細唔鍾意, 佢覺得我咁講, 老細覺得好"UN"耳! 我唔係咁攻心計囉, 一句說話唔會諗十次先講, 我咁講係因為我想話比老細知, 我地知道有客上嚟架啦, 會執架啦! 就係咁咋嘛! 其實個老細係要唔like你, 你呼吸佢都唔like架啦, 你點討好都冇用! 咁到放工前其實都冇咩架啦, 照叫tea食, 放工即閃返去, 又要買大家樂又要訂定雞咁, 返去又要執好游水嘢出去接佢地, 行去泳池入咗去啦, 我就找老公會合, 佢今晚渣咗公司架車出嚟, 因為要攞去車房睇吓個尾門可以點整, 於是先要過長沙灣, 順手幫仲仲配埋藥啦, 佢咳的痰聲勁咗, 可能要轉藥! 搞掂哂返去攞埋炸雞就閃, 返屋企等佢地接游水返嚟, 沖好涼開飯, 今日係丁麵炸雞焗雞日, 因為明天要早起身康傑旅行, 所以今晚要快快手手! 10點多佢地都閃啦, 我地都收拾好早D瞓!