17/11/16

17/11/16   THU   WARM

今朝仲爺等哥哥臨出門口先起身, 咪快手同佢著對鞋就行囉! 返上樓食埋早餐就返學啦, 今日仲爺見到我個開會look, 就問我點解今日又著靚靚鞋, 哈哈! 返到公司做咗一陣嘢, 11點幾就過海啦, 先去食咗午飯先, 返到商會好似又冇咩忙咁, 都係等夠鐘開會啦, 不過今日要開選票會辛苦少少, 要好小心睇呢! 咁最終都叫做安全完成啦, 4點多等D老細閃咗就回家, 返去換好衫才去阿媽到接子元, 返屋企佢就做圖工, 我就煮飯, 老公7點幾先返到嚟, 食完同仲爺沖咗涼佢就去踢波啦, 咁今日個個都好乖, 子元教仲仲做埋D功課, 所以9點幾我都已經可以沖好涼, 睇埋笨爺的功課就可以休息, 不過睇睇吓電視都瞓著咗, 但又要等老公個糖水返嚟呢! 最終食完叫佢按埋腳, 又要等佢打夠機, 佢又話要按背喎, 所以又1點多先瞓!