22/11/16

22/11/16   TUE   RAIN

今日好忙好忙咁, 朝早搞掂兩個返學, 又要去接埋婷婷, 然後返公司整少少嘢又要出去, 去聽工展會個簡介會, 11:30聽到差不多1點呀, 快手返公司食飯, 餓死我啦! 下午都忙, sales又要開會, 又要整工展D嘢, 最慘係今晚又要同老細食飯, 我真係寧願返去見住D仔, 雖然嘈同勞氣但起碼開心! 6點幾過到去尖咀, 食到10點多先有得走! 你話好食又唔係囉, 可能對住老細嗰D係好食都唔多想食! 10點幾返到去, 佢地原來只係返到冇幾耐, 只係K.O.咗仲爺咋! 咁沖好涼趕子元瞓都11點多啦, 我就可以睇吓電視咁囉, 12點幾1點才瞓! 明天老公要出差呀…要飛7日咁多呀, 不過為咗錢都冇法啦, 咁出一次差又有4千啦, 都貼咗1/3的台灣之旅錢!