16/11/16

16/11/16   WED   WARM

今朝仲仲冇一早起身, 希望佢放假都可以咁! 揍咗子元校車返上去兩個仲瞓到好冧, 叫佢地起身梳洗出門口啦, 揍咗仲仲就去太興食早餐才返工, 返去做咗陣嘢, 10點幾老闆們就返嚟車我去海景嘉福嗰邊睇場, 但老闆就返咗上office, 大老闆娘話佢扭計喎, 唉…我都唔明, 幾廿歲人個annual dinner用咩模式都firm唔到, 仲要喺到扭個阿媽, 真係痴痴地! 去到早咗半個鐘, 咁都照睇場先啦, 跟住要等到11點半先可以去飲茶, 餐茶就飲得耐囉, 因為總監又話嚟飲, 所以等埋佢, 坐到點幾先走, 返到去差不多2點了, 真係食到好飽! 下午回來都係做吓嘢啦, 之後又要開吓會咁, 準備吓明天開會D嘢, 差不多時間又放工啦, 返去接子元, 睇佢個樣應該冇咩啦! 今晚又出去食, 因為老公唔記得通知嫲嫲唔去剪頭髮! 咁返屋企換好衫就等老公嚟接啦, 然後去荃灣食泰國嘢, 兩隻豬又想買玩具架, 但我都曉以大義咁解釋佢知不是無端端又買玩具的! 送嫲嫲返屋企, 咁返到去咪沖涼瞓覺囉!