3/11/16

3/11/16   THU   COOL

今日都係咁一齊落樓送子元上校車啦, 然後就返去叫陸生起身啦! 揍咗仲爺返學就食埋早餐先返工, 返到去都係hea吓咁啦, 做吓自己嘢囉! 午飯後就睇電視, 冇咩特別, 老細又冇返, 最好係咁! 下午勁hea呀, 又諗唔到又咩急做, 所以等放工囉! 返去接笨元, 本來都好地地, 我同阿媽吹緊水時佢又多手打翻嘢, 真係比佢激死! 返到屋企叫佢要做埋另一份英文卷啦, 份卷係做一個鐘GE, 但佢又係唔專心囉, 45分鐘就做好, 又話對咗, 咁開飯啦我咪由得佢淨番嗰15分鐘之後再補埋, 本來都冇咩, 但係仲爺又咳又鼻水又玩嘢我已經火到上頂, 子元又加把嘴埋嚟, 陸生又有骨落地, 我就變咗顛婆啦! 再睇埋子元所謂對咗嗰份卷, 係未做哂喎, 唉…我真係唔知可以點, 顛上加顛! 有時我真係控制唔到個情緒, 你愈喊我愈顛! 最終平靜番落嚟啦, 食埋個飯洗碗抺地, 叫子元好做番好佢份嘢, 等仲仲沖埋涼食埋奶goodnight埋我地先落去跑步囉, 你話跑嗰10分鐘好減到服我又覺得未必, 只係好過唔郁咁解啫! 返上樓沖埋涼對埋份英文卷叫佢改好正, 希望明天唔好再錯呢D嘢啦! 跟住又要執吓屋, 摺埋衫, 睇電視, 休息吓咁囉, 最慘係到我地瞓時仲仲就流鼻水咳醒, 我就瞓唔番, 陸生就瞓到豬咁, 仲爺就係咁上床落床玩公仔同咳, 我都唔知幾點先瞓得番!