13/11/16

13/11/16   SUN   WARM

今朝如常咁揍佢地去畫班啦, 集齊人馬就去食早餐, 跟住程太又要去番小童接婷婷, 我地就返去接畫班, 回家後都冇咩同子元再溫書, 只係叫佢執好書包等等, 12點幾佢又要出發去踢波, 我就開始執仲仲的冬天衫, 順手比奶奶今晚攞返去嘛, 但估唔到一執係無止境, 執到咁上吓煮咗烏冬同仲仲一齊食, 跟住趕佢去瞓我繼續啦, 其實因為要將不同年紀的冬夏季衫重新分配好, 所以係好難搞! 到嫲嫲嚟到我都未執好, 但就要快手清一清咗現場, 然後出發過九龍灣, 喺mega box泊好車, 去買行李箱, 買咗個平GE $299, 跟住就去食拉麵啦, 呢間都幾好食喎! 食完喺店鋪外撞到Ben一家, 咁都野生捕獲到, 可以抱吓軟綿綿的BB! 跟住都係行商場買吓嘢咁啦, 係唔洗睇玩具最好! 買完行完遇番時間行過去滙星睇趙學而演唱會, 原來$680都唔係好前架咋, 不過都好過冇得睇! 8點幾開show, 有D歌我都唔係好記得啦, 不過慢慢都入到局, 因為不是紅館的大製作, 好簡單就唱, 好多歌都改到唔同哂, 咁就完全唔同feel! 唱到未夠11點都安歌埋啦, 所以11點半已經返到屋企, 奶奶就閃了, 老公車佢返去, 我快手沖好涼執一執部份衫, 老公回來沖好涼再食個杯麵, 差不多2點先瞓呢!