14/11/16

14/11/16   MON   WARM

今朝仲爺鬧鐘響都未醒, 但整整吓餐盒比笨元時佢就醒, 好在佢話唔落樓, 因為佢要玩玩具! 返上樓後搞掂出門口, 都有D趕呀! 揍咗佢地就返工囉, 一朝早D老細返哂嚟, 好在stay一陣就走哂, 咁可以做自己嘢啦! 午飯都係睇吓電視打吓機咁啦, 下午都係做吓公事做吓私事, 放工前Gloria幫我揍咗子元上嚟, 點知條友又唔記得攞飯袋, 最終等我放工後又要行過去攞, 順手去AEON買埋晚餐, 一D現成一D要煮架囉! 今日派咗中&數, 兩科都係得70幾, 唉…我堅係哦咗佢好耐, 失望就梗架啦, 真係唔明點佢都係得咁低分, 數學佢係有唔識, 中文就錯好多閱讀理解, 咁佢都係唔夠勤力架啦, 唯有都係望佢下一次啦! 返到去沖好涼做功課又攰到瞓咗, 幾經辛苦先做起, 又已經食飯, 食完飯叫佢執埋D手尾, 等我搞掂仲仲就默英文, 我就可以沖涼休息! 今日老公教咗仲仲做功課, 佢又教得幾好咁喎, 所以都啱架佢係要幫吓手, 我一個人做咩都要快, 仲點慢慢教啫!