11/11/16

11/11/16   FRI   COOL

今日天氣都涼呀, 仲爺都係要跟埋落樓! 跟住返上樓就唔夠時間咁, 搞到8:15先出車, 本以為趕唔切接更, 點知去到又趕到喎! 返到公司都係做吓自己嘢啦, 午飯買多個粉配吓, 因為得菜咋! 之後都係睇電視啦, 下午無無聊咁等收工, 快手快腳去買餸, 老公就話佢下午原來請咗sick leave, 睇完醫生喺北海道食緊嘢, 點知我行到過去佢仲食緊, 咁我就自己行埋返去先囉, 等佢食完回來接我去小童, 今日勁遲先放, 換得衫嚟過去已經迫滿人, 入咗去我就返屋企煮飯, 老公就去接仲仲, 一條友慢慢煮幾自在! 8點幾返哂嚟又嘈又亂啦, 開得飯都差不多9點, 我叫老公幫仲仲沖埋涼先好出去踢波, 咁陣間我唔洗咁忙亂! 食完洗碗都9點幾, 咁仲仲喺廳玩緊時攞D LEGO嚟敲嘛, 結果就比Gloria鬧啦, 其實我地真係好接受到佢地嘈架, 我都聽唔清楚邊個同仲仲講, “媽媽唔要你啦”, 咁仲爺就即刻喊啦! 我咪抱佢入房安慰囉, 話沖奶佢飲瞓覺啦, 本來都唔肯, 但我話你再嘈子慧媽會鬧你喎, 咁佢先肯入房飲奶, 佢地10點半都走啦! 我就沖涼睇電視, 老公11點幾先返到, 整番熱飯餸食埋先, 我到12點幾1點頂唔住瞓先啦!