7/11/16

7/11/16   MON   WARM

今日好趕落樓呀, 仲爺有晚跑後, 又再係一早起身啦, 救命! 今日仲仲參觀圖書館, 佢揹住個水壺仔咁好鬼可愛呢! 所以你話佢係咪惡魔同天使合體! 揍咗佢返去就返工啦, 今日都唔算好忙GE, 朝早都係開吓會咁, 老細一朝早返咗嚟, 因為有人嚟開會, 佢地用咗會議室, 咁我地午飯時就唯有喺番自己位食囉, 食完都係睇吓電視! 下午就做吓公事咁, 好多濕濕碎碎嘢咁做, 放工前先記得要同仲仲print相做功課呢! 放工去接笨元, 買埋餸返去, 老公都早喎7點就返到, 本來話明天飛日本架, 但晚上收到電話話個客聯絡唔到, 所以唔洗飛, 咁都好呀! 晚飯完都係去跑步呀, 返上樓沖涼睇埋佢D數錯咩囉, 我都冇再迫佢做, 因為佢係識, 只係唔小心, 呢樣冇得train! 老公11點瞓咗啦, 我仲摺緊衫, 摺完諗住睇芉月, 等機衫洗好乾埋, 但我竟然一瞓瞓到1點幾喎, 瞓到好冧嗰隻, 以為自己瞓天光! 最後仲識乾埋D衫先瞓呢!