16/4/14

16/4/14   WED   WARM

今朝嫲嫲出嚟, 所以我瞓到8點先起身, 一覺瞓咗8個鐘真係好正! 梳洗後嫲嫲已到, 留番佢餵奶, 我地換好衫就出門口食早餐返工! 返到去都係做吓自己嘢又做吓公事咁啦, 好難咩都唔做GE! 午飯後都係睇吓電視打吓機咁啦, 所有老細都唔喺香港, 自由之外都會做吓自己嘢! 食埋tea就放工啦, 返到去屋企, 笨元問係咪做一行珠心算, 明知我叫佢做一頁佢就做一行, 咪即刻比我丙囉, 同佢沖好涼就即刻要佢做, 結果食飯前咪做好哂, 飯後同柏仲玩咗陣, 開始扭眼瞓, 抱住都扭, 於是放佢落床喊, 10分鐘唔洗瞓咗! 我地就開始prepare吓生日會D嘢, 最主要係氣球同小禮物袋, 真係剛剛好咋! 執好哂都係3盒左右, 到時有KAI哥幫手車入去掂啦! 10點左右捉笨元去瞓啦, 我地就要等到11點幾先可以叫醒柏仲食奶, 因為佢對上嗰餐7點先食呢! 老公一早喺梳化瞓咗, 其實我都好攰, 都一路餵一路瞓架啦, 但點都要頂埋先, 搞掂就馬上瞓!

<食手怪!>

 <明明食緊!>

 <一發現我影佢就縮手!>