24/4/14

24/4/14   THU   WARM

今日如常地返工返學了, 老公揍柏仲, 我揍子元, 買埋早餐就返工啦, 老細依然未返香港, 所以都係冇咩心機做嘢, 午飯後睇吓電視咁啦, 下午大老闆娘返咗一陣就走, 所以都係睇吓嘢咁啦, 幾無所事事! 食埋個tea又放工啦, 行到過美孚先撘車, 郁吓好過冇! 返到去老公喺站頭等埋我一齊返去, 笨元仲睇緊IPAD, 同佢睇咗功課先, 不久就食飯啦, 放番柏仲喺床嘈吓啦, 食完飯先陪佢玩, 隻豬仔已經開始想轉身, 但又掛住食手, 轉唔到身就係到發脾氣! 7點幾走人啦, 剛趕巴士返去, 先沖咗涼就要笨元溫默書, 不過放得太耐假, 心散咗, 到我同佢默時都係唔識, 要再抄又唔開心啦! 柏仲就唔多願瞓, 放佢落床又係到喊, 到笨元溫習完咪比佢入房讀故事書比柏仲聽囉! 我就好眼瞓, 冇講故事就捉咗笨元入房瞓, 再喺梳化瞓到11點幾老公叫醒我起身餵柏仲呢!