8/4/14

8/4/14   TUE   RAIN+

今日係我地入青衣啦, 不過樣樣慢咗就超唔切撘41A, 結果又要撘地鐵, 行到我隻嘢咁! 返到去仲要再排隊尾, 陰公! 好在趕得切撘開嗰班巴士返工, 但公司個lift仲未整好, 勁長龍, 諗住行上去算啦, 當做吓運動, 點知上到5樓防盜門lock 咗入唔到去, 唯有經停車場去番撘lift, 咁點都快過喺地下排! 返到去仲食緊早餐大老闆娘返咗, 因為佢地今日去拜山, 喺公司出車喎, 搞到我食早餐都食得唔自在! 不過佢地上午唔喺到又幾free GE, 睇睇吓FB, 見到家寶生得啦, 琴日先講緊16號開刀, 或者之前咩情況就要順產, 今日就生得! 午飯後都係睇吓電視咁啦, 下午老細返咗嚟, 又有公事要做, 好在都唔算太難做! 放工都算準時走架啦, 返到去先同笨元睇功課, 然後又要陪吓柏仲玩, 食飯時都係要放番柏仲喺床仔, 因為坐佢又想向前中, 但放床佢都係咁想轉身, 真係唔知點安置佢好! 差不多時間就回家啦, 喺巴士柏仲已瞓咗, 返去放落床照瞓, 咁就可以輕鬆搞笨元同沖涼, 到11點幾先叫醒柏仲食奶, 又係瞓住食囉, 好在冇嘔但飲淨一安, 寧願瞓都唔食咪由佢囉, 我地12點幾都瞓啦!