19/4/14

19/4/14   SAT   HOT
 今日要休息吓啦, 起碼我要休息, 笨元下午仲要去踢波! 朝早瞓到八點幾要餵柏仲啦, 之後等老公起身後就出門口, 約咗阿媽同阿婆飲茶, 飲到12點幾去惠康買埋嘢FOR明天生日會, 主力係買嘢飲已經百幾包, 用柏仲架車仔抬返去, 真係好誇張! 返到去佢地執好嘢就出門口踢波, 我就同柏仲沖涼飲奶, 跟住佢又扭眼瞓, 搞到我個地抺到一半都要理吓佢, 抱咗佢出廳一陣入番房佢又肯瞓喎! 咁我打掃完都可以休息吓先再執明天partyD嘢, 本來諗住出去食, 但撞正柏仲食奶時間我又唔想出去, 咪叫老公買外賣囉, 佢買咗口水雞, 超正! 食完同柏仲玩吓, K.O. 咗笨元餵埋柏仲餐奶又瞓得!