10/12/14

10/12/14   WED   COOL

今朝發咗個好恐怖GE夢, 搞到我喊醒咗, 我發夢我兩個寶貝仔死咗, 你話我喊唔喊, 真係超得人驚! 搞到我精神都唔多好! 笨元今日要打針, 所以一定要食夠早餐, 柏仲又準時7點起身喎, 最忙亂的時間要照顧佢地又要搞掂自己出門口! 返上來後先餵咗奶再光速摺哂D衫就出門口, 如常入去食埋早餐就返工, 都有公事忙架, 濕濕碎碎咁都唔少嘢做, 午飯後都係睇電視啦, 下午做吓嘢又hea吓咁啦! 食埋tea又放工啦, 返到去笨元又係到乍嬌, 打完針冇哂力咁囉! 等咗好耐先有6號呀, 返到屋企一會老公已返, 好在今日D餸都唔難煮, 7:15我先開始煮, 8:15已食完咁滯, 真係算唔錯! 不過之後執子元功課都幾火, 條友唔係漏就錯, 可以點算呢! 柏仲9點幾要開咗餐先, 跟住先K.O.埋笨元, 已經10點囉, 執埋手尾都10點幾, 齊齊打吓機咁, 又唔係好眼瞓, 反而係肚餓, 又齊齊食杯麵先瞓, 又肥死!