15/12/14

15/12/14   MON   COLD

今日竟然唔知醒, 鬼叫柏仲4點多喊醒, 子元5點多又叫我陪佢去廁所咩, 搞到我鬧鐘響係有起到身呀, 關番之後咪上番床瞓囉, 到7:20子元先入嚟叫我, 一望個鐘就知出事, 校車實撘唔切, 快手幫子元梳洗, 但佢條友仔要就住隻手做嘢又慢, 最終搞到7:40先出到門口, 諗住20分鐘都趕到返學啦, 點知要的士冇的士, 仲要塞車, 最終遲咗6分鐘, 幾唔抵! 我就喺屋企搞掂柏仲然後過嫲嫲到, 遇到有個返長青健康院的姐姐, 佢又係撘42, 仲有個同事喺車上, 可通知佢就有車, 咁我地就可以順利撘到車啦, 點知車程上柏仲嘔奶喎, 仲要無聲無息, 好在只有少少喺身, 但架巴士就中招了, 落車後通知司機搞掂囉! 食完早餐就閃了, 原來之後柏仲再喺茶水站嘔多一次, 不過跟住一路都冇咩! 今日返工朝早都係做埋自己嘢先啦, 午飯後睇吓電視咁, 再晏D sales返嚟開會, 開完又要開工展會, 結果6點幾先走得, 我已經醒目, 叫阿媽揍咗子元返美孚先架啦, 咁我放工可直接返去, 同笨元沖完涼叫佢做埋功課, 佢就拖慢嚟做, 要我爆佢, 已經又要沖涼又要煮飯, 個人顛顛地架啦, 之後仲要因為早前食咗個包又食唔落飯, 飯後又唔主動入去執埋D手尾, 要我爆佢穫金GE, 終於去溫書, 等我抺好地先可以同佢默書睇功課, 好在都啱哂, 唔係佢就知味道! K.O.哂佢地兩個已10點多, 可以睇吓無線的頒獎禮, 合理賽果! 11點幾瞓覺啦, 點知柏仲2點幾嘔喎, 經驗豐富的我們, 本身床上配套只需換面那條毛巾, 仲有被要攞去沖洗啦, 跟住我就同柏仲換衫抺身等等, 出奇地柏仲好合作比我換衫等等, 好在大把被比佢換, 搞掂齊齊再瞓過囉!