17/12/14

17/12/14   WED   VERY COLD

今日都係如常起身啦, 雖然得嗰10度, 但都頂得住, 只係唔帶柏仲落去囉, 喊住都冇法, 太凍了! 今朝嫲嫲出嚟, 等到8點幾就交收了, 我就返工買埋早餐啦! 朝早都係做吓自己嘢啦, 午飯後睇電視咁囉, 下午就抄吓廠D嘢, 又skype吹吓水咁啦! 放工去接笨元, 阿媽話佢瞓爛覺係到喊, 真係變番BB笨啦! 比佢嗲吓咁咪回家囉, 今晚老公同同事食飯, 得我同奶奶喺屋企簡單地煮煲仔飯, 返到去先同隻笨沖咗涼, 唔洗佢做功課住, 比佢寫吓聖誕卡比人, 等我沖完涼一陣就食飯啦, 照比D柏仲食, 條友又嘔, 有冇咁多痰未清呀! 仲要嘔落D Lego到, 又要我做餐死! 終於食完餐飯, 都已經八點幾, 老公竟然咁早返嚟, 都開心架, 因為有佢幫手嘛! 不過柏仲見到daddy就唔肯放, 係咁要佢抱, 但都要等daddy沖好涼先架! 嫲嫲幫我洗埋碗就走啦, 笨元寫寫吓聖誕卡, 寫到一手都係顏色, 因為用水筆, 搞到一枱都係就用手去抺, 死未, 又要我做一餐囉! 餵咗柏仲後, 又要同子元一齊執明天聖誕party D嘢, 搞到10點多先瞓呀佢! 我地hea到11點幾都瞓啦, 因為我喺梳化已經瞓著咗!