4/12/14

4/12/14   THU   COLD

今日真係凍咗好多, 好在子元唔洗返學, 可以晏D起身, 但柏仲都仲係7點多就醒, 加上我竟然勁頭暈喎, 真係勁辛苦! 嫲嫲嚟到我地都係起身不久, 9點左右我才出到門口, 仲要去銀行入錢, 又唔記得約咗深哥開票, 仲要買埋早餐上去食埋先開工! 只係放咗半日假, 但今日都似忙到顛咁, 開完哂票都11點多, 跟住又有其他嘢做, 最唔like係老細又係到老屈, 為咗掩飾自己錯就對其他人講大話屈Q人地, 真係好PK! 午飯去咗買呀, 下午又要出去鋪做嘢, 衛生署嗰條友真係好麻煩, 咩都執到咁正, 咁有時例係死人係生架嘛, 吓吓跟文字做, 就死哂啦, 今日真係好煩, 遇著個個都顛架! 諗住回程時去買嗰件上水褸比笨元, 但原來嗰間冇得賣, 唯有放工返屋企樓下再睇! 老公叫我去買六合彩, 咁咪要行返去囉, 沿途仲係咁買其他嘢, 仲買咗對屋企拖鞋比柏仲! 返到去先同柏仲子元沖涼, 然後等開飯, 今晚打邊爐, 大包同kai哥都過咗嚟, 求先仲出咗街, 搞到阿媽諗住過嚟同柏仲玩都摸門釘, 好在佢地都已經返到樓下, 嚟到就同子元溫咗一陣書添! 打邊爐前先餵咗柏仲食飯, 咁我地食嗰時佢就周圍遊囉, 之後又同子元做吓網上功課咁! 9點多嫲嫲佢地閃了, 我先沖好涼, 再餵柏仲, 老公就收拾, K.O.咗柏仲就食埋個沙律, 子元都11點先瞓, 放假係咁放縱架啦! 我地都11點幾已瞓了!