5/12/14

5/12/14   FRI   COLD

今日笨元又唔洗返學, 真開心! 我地就都要返工囉, 買埋早餐返到去, 食完咪做吓嘢, 都要預備好工展D嘢架啦, 午飯前條氣真係頂唔住, 要落去買番支氣嚟聞, 順手買埋飯先返嚟, 午飯後都係做吓嘢啦, 都過得好充實! 放工後要去買餸, 因為敏瑩小主要食腸仔, 但超市買實在太貴, 結果我去咗街市買, 再行返去囉, 老公咁啱又喺附近, 就join埋佢, 先去問咗嗰間診所睇唔睇BB, 問好咗就快手返屋企, 老公帶柏仲落去睇醫生, 我就執好笨元同敏瑩D嘢去小童接番佢地, 先去換衫再去泳池, 不過要換個冬季泳裝真係好複雜, 所以都有D趕剛去得切, 搞掂佢兩個就返上樓啦, 又要執定佢地陣間沖涼D嘢, 老公不久就返了, 柏仲都真係幾咳吓, 希望食咗藥嘔吓痰出嚟會好D啦! 差不多8點去接番佢兩個回來, 最快方法係兩個一齊沖涼, 因為老公又prepare緊晚飯, 嫲嫲睇住柏仲, 人手唔夠加上天氣凍, 最緊要快! 沖好涼就食晚飯, 今晚都係打邊爐, 兩個細GE食完先可以放番柏仲出嚟, 兩個人仔就掛住睇電視嘆世界, 好在我之前講過要去溫習, 咁敏瑩又好乖咁提醒番, 子元不得不入房齊齊溫默書, 不過就做到衰衰咁囉, 係敏瑩先忍到你架咋, 不過之後默書錯又唔認等等, 比我丙咗穫金! 最後兩個齊齊喺房做電腦功課, 我地又要執嘢又要洗碗抺地搞掂埋柏仲, 遇咗佢會嘔奶架啦, 都做足功夫, 善後工作都好快完成, 瞓咗之後不久, 程生都來接番敏瑩啦, 所以10點幾子元都瞓, 我仲做緊家務, 間屋太dirty啦! 11點多才有時間沖涼! 我地臨瞓時柏仲又咳又再嘔多次, 到3點幾又咳不過就冇嘔啦, 呢D時候最慘!