9/12/14

9/12/14   TUE   COLD

今日終於可以閒吓, 我真係攰到顛! 朝早同人skype吓啦, 都有做吓嘢GE, 午飯後唔記得去入咗張票先, 掛住睇電視吓機, 唯有放工先去入啦! 下午都係想hea吓, 無聊吓咁又一個下午, 不過都有做過正經嘢, 整咗份中文進評卷比笨元今晚做! 5點半閃人去揍笨啦, 功課大致做哂, 都有溫到中文架啦, 冇上次同佢溫得咁顛, 睇吓佢咩料子啦! 阿媽接校車時話敏瑩係個後生仔接走, 聽到佢講話要去醫院見公公最後一面, 唉…聽到都好心痛, 話哂都識咗幾年, 大家成日都互相幫忙咁, 上星期仲咁啱我去接校車見到公公吹咗陣水, 轉個眼就咁, 真係太無常啦! 回家後笨元一嚟就做D蠢嘢引我鬧佢, 但愈鬧就愈慢愈呆, 都唔知佢想點! 老公開始放早半個鐘, 所以都早咗返, 但我都係照常咁煮飯整嘢, 而家要欄住柏仲唔入房搞笨元真係好煩, 又係要用枱欄佢先掂! 8點前食到飯, 9點前對功課溫吓書, 條友完全冇做其中一份英文, 原來要查字典佢又唔係好識, 所以都好費時咁, 期間餵埋柏仲食奶就交比daddy, 我就10點前K.O.埋笨元, 係咁二叫佢讀多次進評的課文就算, 見佢份卷都做得幾好就算啦! 終於到我休息啦, 好快已喺梳化瞓著咗, 而家D時間愈來愈唔見用, 點好!