23/12/14

23/12/14   TUE   COLD

今日如常咁啦, 七點幾柏仲叫醒我啦, 期間笨元走入嚟話佢賴咗尿, 咁我只係叫佢換褲囉, 起身之後先處理佢D手尾, 8點半前落到樓, 撘到42入去, 不過都冇食早餐就走啦, 返去買咗杯Starbucks因為有現金卷呢! 之後都係做吓自己嘢啦, 跟住又要寫會嗰D議程, 下午都忙架, 好多嘢做, 忙到tea囉! 放工就入青衣, 老公今日突然公司有飯食, 得我一個入去揍佢地, 入到屋見到老爺竟然係到, 咁都冇所謂啦, 都係食飯啫, 不過之後柏仲扭瞓, 矇矇吓咁跌咗幾次, 所以早D返去啦, 笨元沖好涼老公就返啦, 咁我咪沖咗先囉, 快手K.O.埋隻仲就同笨元做埋D功課比佢玩陣, 10點幾就瞓啦! 我地都好早瞓啦!