30/12/14

30/12/14   TUE   COLD

今朝竟然瞓矮頸, 痛到我死! 仲要趕佢幾隻嘢起身入青衣, 老公琴晚漏咗電話喺嫲嫲到, 咁就佢入去囉, 我就可以執吓間屋先, 放假放到亂哂龍, D嘢都亂哂龍! 喺屋企食脆片先, 最多返到公司附件買多個包, 等自己冇咁失落! 朝早係咁做好自己嘢先, 再要prepare下午開會D嘢, 又要去買飯啦, 下午開足全個下午會, 都係開Annual Dinner嘛, 要找人做咪由得佢比廿幾萬人囉! 不過佢同人開會時, 真係醜態百出, 以為自己好醒其實係豬頭丙, 唉! 開到5點幾先開哂其他嘢, 咁都放工閃人啦, 好在今日入青衣, 又唔洗煮飯, 約埋老公仔一架巴士一齊返去啦, 同佢地兩隻豬玩陣就食飯啦, 飯後hea陣都返屋企了, 沖好涼餵咗柏仲, 比佢地玩陣9點幾就瞓覺啦, 我地就可以hea吓睇吓電視, 老公又要幫我按吓條頸啦! 睇哂星星先嚟瞓都12點幾!