3/12/14

3/12/14   WED   COLD

今日請咗半日假, 柏仲打針嘛, 朝早如常送返學啦, 但就唔洗揍柏仲落去, 凍果然係好瞓D, 我出門口佢都未醒, 係返來後一陣先醒, 咪食奶囉, 等daddy起身揍佢入去, 老公今日請足全日假, 我就直接返工, 都係咁做嘢啦, 1點閃人, 撘巴士入到去柏仲剛POPO完, 洗緊白白, 咁食埋飯就落去健康院等打針, 先磅重有21.5磅, 跟住等見姑娘做test, 知佢識行啦, 手仔識用, 耳仔眼仔OK, 講吓食嘢就OK啦, 又到等打針, 今日要打3針呀, 柏仲原來好怕痛, 人地未打已經準備定喊, 喊到去登記埋下次個期都仲喊緊, 真係陰公! 之後分頭行事, 老公同奶奶揍柏仲返屋企, 我去接埋笨元校車先返嚟! 我地返到去柏仲已瞓醒啦, 本來諗住食支奶出門口, 點知條友係都唔食, 咁廳姑娘話唔洗食咁多奶! 去到樂富睇disney channel的擺設啦, 都幾靚GE, 柏仲都影咗D靚相, 跟住就去埋玩反斗車王, 有得渣車仔有得打機咁, 玩完等埋大包就去酒樓食晚飯, 飯後回家白白完柏仲已謝皮, 子元竟然有能量做哂功課先瞓, 因為佢話要等我沖埋涼陪佢喎!

<等打針!>

 <好大個公主!>

 <同嫲嫲影好靚!>

 <有車車坐!>

 <幾巴閉!>

 <手多多!>

< 哥哥真係有得渣!>