2/12/14

2/12/14   TUE   COLD

柏仲生日快樂, 今年過得好快呀, 話咁快佢就一歲, 上年一朝早起身見紅後仲揍埋子元返學食埋早餐返公司攞埋嘢先上醫院, 真係太淡定囉! 今年都係揍子元返學, 照樣返工, 冇同柏仲搞咩大function, 其實都有D唔好意思, 子元1歲生日又請哂假又去迪士尼咁! 唔知係咪天氣凍, 柏仲竟然唔係好知醒, 本來想賣甩佢但喺我地就出門口時都係醒咗, 咪抱埋佢落去囉, 估唔到佢有禮物收喎, 雖然只係隻狗狗毛巾, 但都係禮物呀! 返上樓後咪同佢D禮物影吓相先食奶囉, 跟住就等嫲嫲過嚟, 今晚食大餐嘛, 所以叫嫲嫲出嚟一齊! 咁我返工啦, 都忙架要整工展D嘢, 午飯過咗去Aeon買沙律菜, 沿途撞到phoebe家姐, 另外三個荔天媽媽, 真係太誇張! 食完飯本來想去聖安奶買蛋糕, 但冇哂Snoopy, 最終都冇買, 叫老公去睇吓美孚同葵芳有冇囉, 冇都有法! 下午都係忙工展D預備功夫, 放工最終去咗買東海堂的miffy蛋糕, 都OK啦, 但又要攞住咁多嘢再去接笨元真係好辛苦, 仲要佢今日咩功課都未做, 返去沖好涼就馬上開工, 佢都知要快D做, 唔係冇得食豐富大餐, 今晚有生蠔, 象拔刺身, 生蝦刺身, 意大利雲吞, 鵝肝牛扒, 真係超豐富, 其實柏仲冇咩得食, 但老公話同自己慶祝埋生日喎, 都啱! 食飽飽有嫲嫲洗碗, 我要睇子元功課嘛, 所以今日都算嘆! 執好嘢就食埋蛋糕, 簡簡單單咁過咗柏仲的生日, 出年啦…等你識玩先出去wet! 收拾好就瞓覺啦, 兩位小主都好合作, 佢地瞓咗我仲要執拾, 之後打吓機咁, 11點幾就瞓啦!

<好chok呀, 柏仲好愛我送的生日禮物!>

 <嫲嫲的大利是!>

 <晚上切蛋糕!>