12/12/14

12/12/14   FRI   COLD*

今日要去工展set up, 朝早就如常咁揍仔囉, 不過賣甩咗柏仲, 冇帶佢落去, 因為佢仲瞓緊! 返上樓諗住摺埋衫先都唔得, 因為隻仲已經醒咗, 服侍佢食咗餐奶先開始做埋D家務, 8點幾出門口, 入得去都9點, 所以都有點趕地返到公司, 執拾好嘢就過去工展會, 時間啱啱好, 來來回回咗好多轉, 11點幾叫做入齊貨去攤位前, 跟住就先掛好backdrop先, 然後就係搬好D貨入攤位, 然後就開好set好D櫃再放貨, 12點幾先去食咗嘢先, 有得claim梗係食餐好, 去咗食牛腩撈粗, 食飽再開工啦, 多幾對手都好快搞掂, 3點幾已經執好哂, 可以返去接笨元先返屋企放低嘢先去合唱團! 由於敏瑩公公剛剛去咗, 程生佢都請咗假, 咁啱時間車到我地過美孚, 等我地返上樓放低嘢先再出小童, 佢就去接程太, 我就睇住兩個細的入了去合唱團, 咁就去超市入吓日常用品, 放番屋企後又仆番出去接佢地去游水, 然後同老公會合, 買米線返去食, 柏仲有嫲嫲的愛心飯, 食完又要去接佢地放游水, 仲帶咗條褲比敏瑩加落去, 咁凍都著得條短裙點得呀! 咁之後就各有各閃了, 子元話唔慣冇敏瑩一齊返去喎! 咁返到屋企快手沖好涼食完嘢就要佢做功課, 十萬樣嘢未做, 搞到10點先瞓, 我就睇埋大結果先沖涼囉, 今日都真係好攰!

<齊齊牛腩撈粗!>