13/12/14

13/12/14   SAT   COLD

今日朝早都係要返工, 不過笨元要去踢波比賽, 所以叫咗嫲嫲出嚟睇住柏仲, 我返工前就去學校門口攞埋D牙膏牙刷貨, 買埋大快活就返公司食, 做吓嘢咁又一朝啦, 買埋飯返屋企, 柏仲起咗身食咗嘢啦, 子元佢地仲未返, 我地照食先啦, 食完嫲嫲就返屋企, 本來老公帶笨元去打乒乓球, 但佢話攰就叫我去, 我咪喺Aeon行吓買吓星期一二D餸囉, 夠鐘又去揍番, 仲買咗雞蛋仔佢食! 返到屋企休息一陣就要溫習, 數學進評已放手由佢打天材波, 主要溫英默, 英文oral及普通話oral, 溫咗個幾鐘就出街食飯啦, 去咗新都會, 本來諗住食pepper lunch架咋, 但勁多人, 最終去咗食德國菜, 當食聖誕大餐啦, 跟住去咗睇吓玩具, 然後去扭扭蛋, 跟住就去食甜品啦, 柏仲唔食梗係周圍走啦, 子元食完又走埋一份, 柏仲就話慢慢行啫, 子元就係到跑, 因為嗰到係微斜, 有D防滑片, 一跌用手支撐就刮起咗塊皮囉, 唔算好深但範圍大, 先去詢問處搵D姐姐同佢洗咗傷口先, 然後再去萬寧買消毒藥水呀敷料等等, 跟住撘的士返屋企啦, 冇咗隻手的“獨臂神元”又要幫佢沖涼著衫吹頭等等囉, 跟住又要幫柏仲沖涼餵食奶, 等柏仲瞓咗就幫笨元洗傷口, 條友梗係嘈喧巴閉啦, 幾辛苦先搞掂佢去瞓, 可以休息吓!

<足球場上!>

 <大炮影果然唔同!>

 <提早聖誕大餐!>

 

 <新都會留影XO>

 

 

 

 

 

 <仲有甜品!>