21/12/14

21/12/14   SUN   COLD

今日係忙碌的一天, 至少子元係忙碌! 七點幾起身搞掂笨元搞掂柏仲, 就揍子元去畫班, 然後買早餐返去同老公一齊食, 又開咗套“紅van”嚟睇, 係幾好睇喎, 但睇哂都唔知佢想講咩嗰吓死! 老公要去接笨元畫班再去心算, 我就揍住柏仲, 佢好快就醒咗, 咪一齊過去接佢地順手交學費食晏囉, 不過而家揍住柏仲真係顛攰, 行又未行得好, 抱佢又唔多肯, 好煩! 之後老公揍笨元去踢波, 我就揍番柏仲回家瞓! 不過佢都唔係好快瞓, 食咗奶玩吓咁, 我放咗佢入房諗住執吓嘢出門口架啦, 點知佢喺房又瞓咗喎, 咁咪唔出去住囉, 摺哂D衫都差不多4點, 佢就醒啦, 好似知道自己要出去玩咁, 期間笨元已經去敏瑩會所嗰到玩咗一轉party, 跟住又入去參加幼稚園同學的party, 大家可以家長們聯誼吓, 小朋友又顛吓咁囉, 連老師都有嚟, 吹吓水咁又個幾兩個鐘, 6點多散場, 去食錢樂園散吓錢咁, 就返嫲嫲到食冬至飯, 都係簡單一餐啫, 食完回家沖涼啦, 我已經攰到暈, 都唔知自己睇咗咩電視打咗咩幾, 總之12點幾老公叫醒我就執埋D手尾入房瞓啦!

<比較滿意的生日照!>

 <敏瑩會所聖誕party!>

 <洋洋生日會, 好亂!>