1/12/14

1/12/14   MON   COOL

今日如常咁起身揍返學揍去嫲嫲到啦, 食埋早餐返來, 先去學校攞咗校服先, 估唔到又要排隊, 之後又要去兩轉銀行, 攞住袋衫又落微雨咁, 真係好慘咁, 搞到10點多先返到公司, 又要好忙咁upload吓相等等, 放晏又要再去入錢又要買飯咁, 係食完飯先可以抖吓! 下午做吓嘢, 三點多總監又話開會, 一開就開到放工, 真係人都顛, 我真係好怕咁忙, 但呢種忙睇怕都要捱到去出年商會就職後先好D, 諗起都驚, 子元1月3月又大考又小考, 都唔知點算! 放工都遲咗走, 又未買餸, 喺惠康求奇買咗塊雞扒@12, 買咗$5菜, 蒸水蛋就一餐, $25唔洗, 幾抵! 返到媽到笨元仲比媽捉住溫默書, 我就有湯飲埋先走, 剛好追到巴士返去, 都已經6:45, 嫲嫲同大包kai哥一齊揍咗柏仲出嚟, 原來佢地想去睇房協個盤, 但過到去收咗喎, 咁真係冇法, 我都唔知咁早收! 冇理咁多我都係沖涼煮飯, 食完洗埋嘢都未夠9點算係咁, 叫子元執埋書包等玩陣就各自瞓覺啦, 明天有冬季校服唔洗凍囉陰公! 我就超眼瞓, 10點幾睇睇吓電視瞓鬼咗!