14/12/14

14/12/14   SUN   COLD

今朝唔洗學畫班, 因為徐老師嗰到爆水又冇lift, 咁只係11點去學珠心算囉, 朝早7點就比柏仲嘈醒, 喺床玩又唔肯, 結果7點幾就醒我起身, 陪佢玩吓又睇番真的漢子先, 跟住就入房叫笨元做埋D功課, 老公就煮早餐, 食完各自繼續, 老公K.O.了柏仲, 10點幾11點就帶笨元去珠心算, 約咗之後出去行吓, 柏仲瞓到12點差不多啦, 整好嘢出去地鐵會合, 順路比埋D牙刷阿may! 今日決定去圓方, 諗住夠方便咋, 去到先食嘢, 子元係咁話要溜冰, 但隻手咁點溜呢, 咁食完嘢咪影吓相囉, 咁啱圓方聖誕裝飾係火車, 啱哂子元啦, 仲要收集貼紙可以去換禮物, 咪同佢去收集吓囉, 上咗去平台收集時佢又要去玩噴水池, 叫住佢唔好, 又跌, 咪順手整甩埋塊皮囉, 應該可以快D好番! 集齊咗去換埋份禮物, 原來係張火車聖誕卡, 都好靚! 本來想去樓上遊樂場玩, 但維修冇得玩, 子元都攰啦, 返屋企後叫佢油埋幅畫都頂唔住喺枱瞓咗, 到我K.O.咗柏仲後咪叫佢上床瞓囉, 我就去咗百佳顛買咗四百幾五百蚊嘢, 都係日用品食物啫, 真係抵嘛! 回來後hea吓等開飯, 老公整薯仔豬頸肉, 但搞到9點先有得食, 真係比佢玩死! 食完咪K.O.柏仲先囉, 好在之前沖好涼, 叫笨元執埋書句就瞓啦, 今晚我都超攰, 10點幾已喺梳化瞓咗!

<Elements的裝飾好靚!>