16/12/14

16/12/14   TUE   COLD

今日好準時起身啦, 不過又要幫子元梳洗換衫等等, 完全冇時間理自己, 又廢事入房梳頭嘈醒柏仲, 所以求奇搞掂自己就出門口, 剛剛去到有車囉! 搞掂返上樓柏仲已醒咗, 食咗奶我摺陣衫先啦, 不過好快夠鐘又要出門口去嫲嫲到, 今日跟琴日個姨姨, 撘咗條新路線, 不過幾貴吓, 上完荔景再轉小巴, 不過就好快囉! 柏仲喺小巴臨落車都要嘔少少, 好在我手同佢條褲都接哂, 又有姨姨幫手抺, 叫做唔太狼狽啦! 去到茶水站吽咗, 凍得滯掛! 返到公司就做吓公事做吓私事咁啦, 午飯後睇吓電視啦, 下午一真都相安無事架, 係臨放工收到老細的無理嘢, 唔想多講但總之就係乞人憎啦! 返去揍笨元走啦, 再去曼克頓山嗰頭食晚飯, 柏仲未食就又嘔, 但嫲嫲話全日佢都冇嘔過架喎, 見到我就又嘔又疴吽牙屎, 好可惡呀! 快手食完個飯返屋企啦, 基本上全程喺房搞掂子元D功課, 又要搞柏仲D爛屎, 唉…死咁滯呀! K.O.咗佢地10點幾先沖涼咋, 睇完新聞就瞓啦!