12/2/16

12/2/16   FRI   WARM


今日7點幾醒咗, 又瞓唔番就陪吓仲仲啦, 起身後收拾吓摺吓衫咁做吓家務, 叫老公起身煮早餐, 子元就快D做埋D網上功課, 食完早餐hea吓老公又K.O.過仲仲, 我都要hea吓, 抺埋地就抖吓啦, 下午約咗子慧去公園玩! 等佢地瞓醒1點左右就收拾出門口啦, 過到西環嗰邊先食嘢, 真係求奇搵間茶記食都好正! 食完就行過去中山紀念公園啦, 嗰兩個細路已經成日喺到吵架真係好煩! 去到先在遊樂場玩吓, 呢個遊樂場都幾好玩架喎, 起碼D遊樂設施平時都少見! 跟住就去草地嗰邊玩波波啦, 可惜草地濕唔係好坐到! 玩到咁上吓食吓嘢, 食完再影吓相咁, 本來想去廁所GE, 咁行到去室內運動場嗰邊, 見到有兒童遊戲室, 就比佢地入去放吓電, 玩到差不多6點就走, 兩個細路又係嘈交啦, 好煩! 撘番巴士返美孚晚飯, 去北海道食, 但仲仲要辦大事又冇心機食, 激死! 食完回家啦, 仲仲疴到喊哂咁, 真係陰公! 洗完白白仲仲就瞓啦, 子元就睇電視睇到9點幾先瞓, 我地又自由啦!