20/2/16

20/2/16   SAT   COOL

今日我得一條友揍兩個, 點分身呢! 好在有程家幫手揍住柏仲我先可以唔洗請假, 子元就要跟我喺公司, 初頭都乖, 睇下書咁, 但愈坐愈唔耐煩囉, 溫書又唔合作等等, 真係幾經辛苦先捱到放工, 又要馬上閃, 因為夠鐘踢波, 放低佢喺球場我就去程太到會合, 等埋程生就去酒樓飲茶, 可以等到兩點飲TEA, 不過叫完嘢食又要去接子元, 佢兩點半踢完波嘛, 咁去到酒樓咪已經可以食囉! 飲到咁上吓就埋單, 因為3:30又到乒乓球, 揍咗佢返學校, 本來想去八吓荔天個舊生日點, 但原來全部都係D剛畢業的舊生, 我呢D阿毛好異類, 都係快D閃! 去咗AEON行吓, 都唔洗hea好耐又夠鐘接番子元啦, 程家都算係咁, 陪到我揍子元放乒乓球, 咁我地就撘地鐵返去啦, 返到去都差不多5點, 馬上打暈仲仲, 趕子元去做埋D功課, 又要對功課呢, 真係辛苦死我! 所以晚上只係叫pizza, 不過係外賣自取, 平$40喎! 差不多8點先有得攞, 出到去都仲要等, 不過咁一出一入又去咁D時間都好! 返來食完收拾好就同佢兩個沖涼, 9點幾仲仲瞓咗就可以到我沖涼, 子元就話睇電視, 不過我沖完出嚟佢都喺梳化瞓, 咪捉佢入房瞓囉, 我就睇埋電視, 12點幾先瞓!