3/2/16

3/2/16   WED   COLD

今日都係如常咁返工返學啦, 揍哂佢地返學我就買早餐返工啦, 朝早都係做吓自己嘢啦, 午飯後就睇電視啦, 下午真係做吓公事啦, 做吓嘢食吓tea又放工, 快手買餸返去接更, 有條友嚟咗整番個廁所水箱, 但態度勁衰, 搞掂阿媽就閃了, 我就執好屋開始煮飯囉, 老公買咗手撕雞返嚟咁就煮少樣餸, 8點多已食完洗埋碗拖埋地, 咁佢地就沖涼瞓覺, 柏仲瞓咗我就可以同子元對功課, 搞掂就可以沖涼了, 沖完例牌要摺衫啦, 老公話眼瞓但我又未想瞓住, 咪叫佢喺廳陪吓我, 差不多12點時阿媽打嚟話佢咳食咗中藥但痰封喉, 明天後天想請假, 咁我梗係話OK啦, 但就成晚係到諗可以點做, 可以找邊個接手揍仲仲囉, 結果都瞓得唔好!