23/2/16

23/2/16   TUE   COOL

今日又係如常返工啦, 仲仲未起身但子元都係拖都唔起, 所以勁趕! 返到上樓仲仲已經起咗身走咗出嚟, 好在冇搗亂! 搞掂佢就出門口返學啦, 又要等小巴所以都8:25先入到去! 買早餐返公司, 食完都係做吓自己嘢, 完全冇mood囉, 好在冇咩特別趕! 午飯又係食飯啦, 下午都係做吓自己嘢又做吓公事啦, 臨放工前先叫做忙D, 早少少閃人, 因為今日下午阿媽有嘢做, 叫咗阿婆同埋個工人出嚟睇住兩隻馬騮, 真係有D擔心, 工人又趕住返去煮飯, 飛返去見佢地平安就OK啦! 見時間尚早就帶埋佢兩個落去買米, 真係見哂底啦! 買完返去就叫笨元快D做功課, 今日都多功課呀! 我就整吓煮飯嘢又同仲仲玩吓咁啦, 老公去睇完嫲嫲先返, 仲攞咗兩樣餸返嚟, 所以我唔洗煮咁多, 差不多8點食完飯, 笨元繼續做功課, 老公就同柏仲沖涼先, 我就洗碗抺地, 佢地沖完涼就可以入房玩, 9點多K.O.咗仲仲又要同子元對功課, 真係好攰! K.O.埋子元終於可以沖涼啦, 老公就喺梳化瞓咗, 我快手摺埋衫就可以睇劇! 12點多瞓覺!