今朝又要返健康院, 不過10點半先返, 但要揍笨元返學, 所以都係要一早出門口, 今朝蕃薯粒六點叫食, 餵咗佢我仲要泵埋奶先, 都算快手搞掂架啦! 今日唔洗做服務生, 遲咗返都唔怕, 揍咗佢我地就喺門口吹吓水先, 反正未夠鐘, 吹到九點多先等巴士去茶水站, 食完早餐蕃薯又食咗餐奶, 就去健康院, 今次見嗰個醫生係好人嗰個, 度咗黃係195度, 低番好多但星期六都係要覆診, 希望星期六過埋關, 咁就可以18號先再見醫生! 搞掂就走得, 老公今日請咗假, 我地兩個返屋企, 奶奶就可以做吓自己嘢! 返到去安頓好蕃薯, 休息吓泵吓奶, 叫咗Pizza食, 簡單得嚟又有飯食嘛! 食完老公就去攞番張醫生紙, 我又係做餵奶泵奶D嘢啦, 搞掂見已經5點多不如沖個涼先, 咁今晚想幾時瞓就幾時瞓, 五點幾佢地返到嚟, 但我又冇咩做住, 於是瞓一瞓先, 笨元做好功課我食完飯先瞓, 7點多起身食飯, 之後咪睇功課溫習囉, 條友激到我打佢, 寫咗咁多次生字都拼唔到, 總之就令人火起啦, 溫到差不多8點幾先搞掂, 要佢執埋書包校服先可以睇電視,
老公去咗踢波嘛, 咁我就邊泵奶邊陪笨元就睇住oncall, 睇完佢就要瞓, 我就收拾好D嘢, 11點左右我都瞓啦, 老公返嚟時好似都有問過我起唔起身泵奶, 但我真係唔想郁, 最終都冇泵, 佢就12點幾1點餵埋蕃薯粒就瞓!
沒有留言:
張貼留言