蕃薯5點叫食, 相隔咗4個鐘都算係咁, 點可以調較到6點飲呢? 咁先可以來到返學之後D時間呢! 笨元朝早約咗敏瑩去睇與龍同行, 咁我又食自己囉, 好想食吓大家樂的早餐呢! 早上都係做番嗰D嘢啦, 日日都係咁上吓架啦, 蕃薯日頭真係算合作架, 食飽就瞓, 若佢快D調較好晚上飲奶的時間咁大家都舒服囉! 中午時老公帶埋敏瑩上嚟玩, 程生佢地晏D先嚟接番, 佢兩個就開心囉, 又玩煮飯仔又玩雪糕屋, 食完午飯再玩Lego, 程生上到嚟都係吹吓水咁咋, 等蕃薯飲埋6點餐奶就去聚客居晚飯, 不過竟然要等位, 真少有! 今日都食得好盡興, 冇法啦, 知佢做埋今個月老公勁想去食囉, 今晚未算好凍都仲可以出去, 過兩日凍就真係去唔到啦! 食到八點多都要閃了, 返去快手K.O.笨元, 佢都已經勁攰啦, 跟住就餵柏仲啦, 到晚上佢就醒好多, 吹佢唔漲!
沒有留言:
張貼留言