聖誕節, 都係冇街去架啦, 蕃薯3點幾飲咗餐奶到9點先嘈喎, 若果佢調好個時間係12點飲完6點飲咁就一流啦, 起身餵咗佢我都要泵奶, 不過咁多個鐘都係得嗰6安唔夠, 快D唔谷啦, 唔谷我就唔洗泵啦! 老公起身煮早餐我地食, 同蕃薯沖埋涼佢就出去啦, 帶笨元去睇Thomas呀, 襯佢地出咗去我又有精神, 打掃吓間屋先, 真係唔可以咁耐唔執屋架嘛! 老公買咗米線返嚟做午餐, 笨元眼瞓得滯唔多肯食已經要瞓, 我地就輪流餵咗蕃薯同食嘢, 之後老公都瞓咗, 我就等connie嚟, 佢都五點幾先嚟到, 笨元剛瞓醒, 吹咗大半個鐘, 佢又做埋佢個聖誕老人送禮物比笨元同柏仲啦! 六點幾老公出去買晚餐, 我就餵蕃薯啦, 食完晚餐泵咗奶先跟住再食蛋糕, 聖誕節點都要食個蛋糕先似聖誕架嘛, 食完就沖涼瞓覺, 老公就餵埋餐奶先瞓啦!
沒有留言:
張貼留言