今日都係閉關的一天, 咁凍冇咩必要都唔好出街啦, 朝早柏仲7點多先叫食, 不過呢D時間我又要叫笨元起身, 老公又因為餵咗半夜嗰餐唔係好願起身, 所以我朝早好忙, 送咗佢地出門口就好D啦, 都係泵完奶食早餐咁啦, 之後就做吓公事咁, 跟住又係餵奶, 阿媽12點幾嚟到, 我地食咗飯先再同柏仲沖涼食奶,
之後我喺梳化瞓咗陣啦, 柏仲下午呢轉就有D玩嘢, 想人陪佢玩同埋會食得密D, 即係佢都開始分到日夜! 餵得佢嚟我隻大笨元又返啦, 老公揍咗佢返嚟一陣又返公司打卡, 我就同笨元沖咗涼先, 然後叫佢做功課, 我就沖涼泵奶, 佢都算合作做好哂架啦, 等老公返嚟買咗外賣, 我自己就焗咗雞飯一齊食, 食完飯之後的時間最free, 不過都要捱到11點泵多次奶先可以瞓, 而柏仲都要飲多一餐先瞓, 咁我地就齊齊12點多瞓啦, 老公就3點幾餵夜奶囉!
沒有留言:
張貼留言