呢兩日都係如常咁啦, 星期六咪返工, 中午等笨元嚟就去KFC食lunch, 然後佢地就去踢波, 我就返咗屋企打掃啦, 仲有洗吓蕃薯粒D嘢, 慢慢做都要幾多時間架, 做得嚟佢地都差不多返囉, 今晚食外賣啦, 晚上都係睇吓電視咁啦!
星期日老公話去AEON嗰邊行吓, 咁反正都要食晏咪去囉, 朝早瞓到咁上吓, 笨元實起咗身架, 睇吓電視咁囉, 老公煮咗早餐食咗先, 執嘢嘢整吓嘢, 出開去還咗書先, 就撘小巴過去AEON囉, 都係比笨元睇吓玩具, 食個午飯咁解啫, 之後又返番屋企, 洗埋蕃薯粒D被就大功告成, 晚飯打邊爐, 最好架啦, 簡單方便, 之後都係睇電視囉! 不過都攰11點幾都瞓啦!
沒有留言:
張貼留言