29/11/13

29/11/13   FRI   COLD

今朝都已經預早咗起身架啦, 唔知點解都係咁耐先返到學校, 去到巴士又睇住架巴士走追唔到, 小巴又要等, 最終7:55出門口, 但都8:35先返到去, 笨元勁擔心做唔到服務生, 冇哂表情咁, 我同老師講話我地撘唔到車所以遲, 咁老師都明比番佢做服務生, 隻笨先有番D笑容咋! 出番學校門口同幾個家長吹水, 講開若真係需要, 到時我生咗, Daddy可以早D揍返嚟先, 睇吓邊個家長係到就放低, 唉…我地D在職家庭都係唯有你幫吓我我幫吓你咁架啦! 返到公司咪吹水做吓自己嘢囉, 今日唔洗出去真係舒服好多! 午飯又要去買飯啦, 下午老細冇浦頭, 不過都搖控你做吓嘢咁啦, 放工等咗勁耐先有車, 返到去見笨元仲玩緊, 梗係叫佢快D開始做功課啦, 寫生字嗰D就留到最後先做, 食完飯又差不多時間就去合唱團, 啱啱樓下撞到敏瑩, 等佢地入咗去我地吹陣水就落茶餐廳陪程生佢地食嘢, 夠鐘又去揍番兩個小朋友! 回家後要佢做埋份中文先可以玩, 玩到10點半要瞓啦! 老公就掛住玩佢個新電話, 要setup好D嘢喎!