4/11/13

4/11/13   MON   WARM

今日要做服務生, 8:25要返到去, 已經撘8:00班車架啦, 8:10都到咗小巴站, 但等小巴等到8:20先有車, 搞到都過咗8:25先返得到去, 睇嚟星期五要7:45出門口, 睇吓可唔可以再早D啦! 原來佢今日做服務生是同N組講故事, 冇得偷影吓佢! 買埋早餐返公司啦, 朝早都係寫吓日記skype吓咁又一朝, 午飯去咗買大家樂, 老細點幾就返咗嚟, 阻住哂睇電視, 係咁喺到講嘢, 講埋哂D冇水準GE嘢! 好在佢都好快走, 咁咪做自己嘢囉, 又唔係好想做公事, 又唔係太多私事做, 又冇咩人skype, 都幾悶吓! 放工返去笨元又係冇瞓覺, 因為係到砌緊大包買的Iron Man, 結果食飯時又係到打瞌睡, 我真係星咗佢幾巴星醒佢囉, 食淨兩啖又話唔食, 點知一離開飯枱就醒, 係咪激死人, 咪叫佢企埋去食埋嗰兩啖囉, 然後即刻走人啦, 諗住撘到7:50班車, 點知上到去唔見有車, 問站長係咪剛走咗又話係, 咪諗住撘42A算囉, 但出到去等車見有42返喎, 老公去睇吓8:04就開啦, 即係求先架車根本就早過50分開啦! 返到屋企沖完涼都9點, 叫笨元唔好再玩Iron man, 馬上入房做工作紙, 嗰張嘢真係不能少看, 雖則得嗰幾行, 但又要找資料睇番嗰D小勇士係咩, 佢地點克服困難等, 仲要用最簡單的字教佢寫番出嚟, 再要逐個逐個字教佢寫係超吃力的事, 足足做咗差不多1個鐘呀, 以笨元程度都要做咁耐, 睇番apps其他有做的小朋友都要做1個鐘呀, D間線又細喎, 我地大人寫都嫌細啦! 做完比佢玩多5分鐘咪瞓覺囉, 我地就睇埋新聞都瞓啦!