9/11/13

9/11/13   SAT   WARM WIND

今日都係如常的星期六啦, 朝早笨元去學畫, 我就返工咁啦, 本來都幾hea, 但商會會計師樓嗰邊又打嚟講話要N咁多樣文件喎, 重點係不是樣樣都可以比到佢嘛! 總之比到就比咗佢先囉, 盡咗力先, 最終都要等老細決定嘛! 老公同笨元嚟接我放工食晏, 然後佢兩個就去大埔踢波, 我就返屋企, 本來應該休息吓, 但又唔想咁hea, 於是執吓嘢之餘仲打掃埋, 反正明天下午又要去生日會, 都係做好嘢先! 到差不多5點先出門口, 入到沙田同老公會合, 佢地出得嚟都五點幾, 先去反斗城放血, 除咗笨元份禮物啦, 佢攞哂全A, 點都要買比佢, 跟住仲要買埋禮物比兩個同學仔, 咁就四百幾蚊, 不過送咗張$50卷, 到時可以再買過! 然後上一田買埋BB洗衣液, 下星期可以開始洗衫! 跟住去食埋晚飯就回家, 去一期嗰邊, 邊間有位就食邊間啦, 入咗間幾好食架喎, 笨元食哂佢個兒童餐, 勁! 回家後沖完涼同笨元做好埋閱讀記錄冊同剪報後, 佢可以玩陣先瞓, 我地都HEA吓就瞓啦!