16/11/13

16/11/13   SAT   COOL

隻病笨除咗琴晚起身食個麵之外都瞓咗12個鐘架啦, 所以今朝六點幾就起咗身, 我去VV時見佢已非常精靈, 仲同我講佢喺到做功課, 佢話因為佢知呢兩日佢好多嘢做喎, 所以要做咗功課先, 都唔知真定假! 不過之後到我地起身, 趕住同佢去學畫畫時, 就慢手慢腳! 佢兩個出咗門口, 我就如常咁返工啦, 本來都冇咩都係hea, 臨放工收到曲毛狗的email關於公事D嘢, 總之就同自己有D關係, 梗係第一時間澄清吓先, 你話我此地無銀都係咁話! 咁去食咗lunch, 老公就帶笨元去踢波, 我就回家做阿四, 執屋打掃摺衫而家變咗星期六做, 都好架因為冇人打擾我嘛, 慢慢做吓睇吓電視咁, 佢地返到嚟都五點幾, 提笨元做埋D功課, 做到老公煮起飯都未做完, 幼稚園點解都可以咁辛苦, 真係唔敢想像上咗小學會點! 食完埋埋個尾, 可以休息吓啦, 唔知係咪比笨元傳染咗, 開始喉嚨痛, 但D接骨木又飲哂, 今晚都係唯有忍吓架咋, 九點幾K.O.咗笨元我地咪hea吓囉!