14/11/13

14/11/13   THU   COOL

今朝唔知做咩嘔到九彩, 將琴晚打邊爐喺胃浸咗一晚胃酸GE嘢嘔番出嚟, 仲要“續”親, 真係差D氣都透唔到, 足足起碼嘔咗有5分鐘, 嘔到叫哂咁, 佢兩隻嘢先矇矇吓咁走出嚟, 但都幫唔到我D咩囉! 所以今日都有D晏先返到學校! 買埋早餐返去食啦, 朝早都係做吓自己嘢, skype吹吓水咁囉! 午飯又要諗食咩, 最終都係食車仔麵咋! 下午老細完全冇浦頭, 都好GE, 我都唔係好想見到佢! 做吓自己嘢又做吓公事咁啦, 放工就閃啦! 返到去同笨元沖咗涼溫書再食飯, 不過佢不是太合作我又攰, 所以都幾黑面呀我! 因為我想教吓佢完全自己沖涼, 想佢正經學嘛! 食完飯先再溫埋書, 就有得食腐竹糖水, 食埋我又好忙咁要同佢衣櫃換季啦, 因為學校明天要著冬季運動服, 既然搵衫就不如換埋季囉, 逐件衫褲要佢試, 冇得比佢睇電視呀! 試完都唔係淨番好多件衫啱著, 褲就多D! 同佢換個季真係腰都斷埋, 明天先再執蕃薯粒D衫啦! 等笨元瞓咗睇埋新聞我地都瞓啦!