6/11/13

6/11/13   WED   WARM

今日都係正常時間起身, 但竟然未夠八點半就返到去, 有得排隊知佢實玩, 但講咗唔可以跑啦, 佢都係周圍走, 結果入學校時我就話佢, 之後竟然黑我面喎, 叫佢鍚又唔鍚, 可惡! 咁唯有返工啦, 買埋早餐返去食, 朝早做吓自己嘢, 上吓skype咁吹水, 午飯掛住睇電視, 唔記得去入票, 唯有明早再入啦, 下午開頭都好閒ge, 不過總監返嚟後就好忙, 淨係影印都搞咗好耐, 疊嘢幾吋厚咁, 企到我幾攰呀! 又要覆番D活動呀等等, 真係做到放工咁滯! 今日笨元返美孚, 咁我一返到去佢已經叫我幫佢整支white board 筆, 真係要佢學吓等候, 都要等我搞掂自己先得架! 整好支筆就同佢睇咗功課溫埋書先可以玩, 嗰幾個英文默書字, 總係溫唔好, 係咪要重新溫吓mels呢, 近來D拼音好似差咗咁, 襯呢排都會喺美孚, 每日新增番個溫mels時間! 溫習好就可以畫嘢啦, 跟住食飯時都非常好, 因為老公接放學買咗吞拿魚包, 但笨元又話要飲奶又話要食栗子杯, 老公梗係唔啋佢啦, 咩都冇得食, 所以晚飯時食得不知幾好! 食完又再畫過嘢, 我就休息吓先, 攰到我呢! 沖完涼本來的起心肝執蕃薯粒D衫, 但真係唔想郁住, 所以K.O咗笨元, 九點幾先開始執! 企咁耐原來都好吃力, 先執咗NB至1歲左右D衫出嚟, 都未執哂咋, 已經一個衫籃都裝滿, 仲有一袋紅白藍未睇架喎, 要明晚繼續! 老公回來整番熱D桑寄生我飲, 抖吓就瞓啦! 佢踢波又拉親小腿, 咁星期日都應該踢唔到, 嘻嘻!