10/11/13

10/11/13   SUN   WARM

今朝老公去踢波, 較咗7點就鬧鐘響, 咪嘈醒埋我囉, 之後都瞓得唔好, 笨元入嚟嘈咗我幾次, 10點嗰次我先啋佢, 因為咁早起身老公又未返煮早餐我地食喎! 起咗身叫笨元要做埋嗰兩頁珠心算, 不久老公就返, 梳洗完有早餐食, 叫佢換床單時我就摺埋D衫, 都係忙家務啦, 之後休息吓到點幾就出門口去樊樊生日會, 畫室生日會第一次參加, 又幾好玩喎, 先係搵個位聽導師講咗點畫先, 笨元都幾有心機聽, 攞齊嘢起咗稿, 笨元自己搞掂, 老公就走咗去自己畫一幅, 好在笨元都自動波, 冇咩所謂! 我都係幫佢補吓色咁啫, 好多佢都自己畫自己上色, 又真係幾好玩喎, 平時邊有機會用呢D畫板嚟畫畫呢! 笨元當然畫佢最愛的火車啦, 老公就畫咗船! 差D尾要補時笨元已經心急去食嘢, 咪又係我幫佢執手尾! 洗好手可以食啦, 我都唔客氣咁食啦, 小朋友就玩吓遊戲咁, 都節目豐富, 我就遠觀算啦, 廢事撞親! 周圍吹吓水咁, 切埋蛋糕又有個選靚畫環節, 老公嗰幅都多人投, 不過喺種票下敏瑩嗰幅最多票呢! 笨元見daddy得獎佢冇唔開心囉, 解釋咗比佢聽唔係次次都係佢攞獎架嘛先好D! 攞埋禮物呀紀念品等可以走架啦, 本來以為冇嘢食, 諗住一玩完就同埋程生佢地去食晚餐, 但食飽咗嘛, 於是7點先再去食dinner, 我地就返阿媽到hea吓先, 笨元瞓咗個幾鐘, 咁食飯時都有D精神嘛! 食吓吹吓咁又9點啦, 撘的士返去沖埋涼快D搞掂笨元D嘢, 一來佢都要瞓啦, 二來我10點要睇walking dead呀, 之後一路睇埋十級重案先瞓, 仲要等老公睇埋場波, 所以2點先瞓, 勁攰呀!

<準備畫畫啦!>

 <你睇笨元用心!>

 <畫完畫有遊戲玩添!>

<笨元玩緊木頭公仔, 我好想笑囉...>

 <這是老公的作品!>

 <子元的火車大作!>

 <唱生日歌洗唔洗咁high!>

 <一班hea男!>

 <散場都繼續食呀食!>