18/11/13

18/11/13   MON   COOL

今日下午產檢, 但唔知點解朝早忙到咁! 一來晨早就起身, 因為笨元要做伴讀生早返, 所以我地8:15已經返到去啦, 同家長們吹吓水咁, 夠鐘就可以入去, 我都可以早D返工, 買埋早餐返去食! 一朝都係到忙, 雖然下午請咗假啫, 但都唔洗忙得咁緊要嘛! 好在1點已走得, 約咗老公喺美孚會合食晏先, 見未夠鐘都係行吓啦, 兩點左右上得PMH嚟都差不多, 今日本來都算快, 四點已有得睇, 係自己多口問咗句調咗頭未, 咁醫生就安排去照超聲波, 咁又搞到4:45先走得! 過得去揍笨元已經得番佢一個, 咁啱劉校長問起星期六旅行嗰到, 笨元一見到我地同老師傾偈就好擔心, 叫佢講拜拜時就唔願講, 結果老師們唔放佢走, 搞到喊埋添, 我地又冇咩所謂, 只係搞到走咗架巴士又要再等咁解啫! 老公仲要返公司打卡, 笨元又喺車瞓咗, 搞到我又要拖住隻醉笨返去, 好在上咗小巴佢已經醒咗, 返到屋企第一時間沖咗涼先, 再睇埋功課溫埋書, 大家都自由啦, 佢有佢自由活動, 我就預備晚飯, 等老公買埋三文魚同白汁就可以煮, 放學咩都冇食, 所以晚飯時勁好胃口, 好快食哂啦又可以去玩呀睇電視等等, 不過之後老公掛住煮桑寄生同研究佢D大西米點整, 搞到我要講故事K.O.埋隻笨囉, 之後我就摺埋蕃薯粒D衫, 多得好緊要足足摺咗兩個鐘! 咁計番係3個小朋友的衫比佢一個, 差不多啦!

<睇落好似唔係好多...但實質真係好多架!>