11/11/13

11/11/13   MON   WARM

今朝明明較早咗鬧鐘架啦, 但出得門口返去學校都已經遲, 做唔到服務生, 笨元都有D失望, 但冇法啦, 若要保證早返到去真係要7:50出到門口! 咁冇得做服務生都冇法, 都睇咗佢一輪, 搞到有D遲先返得到公司, 食埋早餐都係做吓自己嘢先啦, 星期日D相都要執吓! 午飯去咗買大家樂咋, 可以用八達通嘛! 下午好忙囉, 老細返咗嚟就同佢傾商會單嘢, 最終決定延期, 只要合符合章即可, 不過就要其他首長OK, 唯有出信囉, 總好過到時咩都冇! 下午忙碌完就放工啦, 返到去沖完涼就同笨元溫書睇功課默埋書, 全部做好就食飯, 老公同同事晚飯, 我地食完就摺衫, 摺完陪笨玩陣就洗蕃薯粒D衫, 只係膠袋笨元嗰袋已經要洗一機…我諗晚晚洗一機今個星期應該洗得哂! 笨元話要睇埋oncall先瞓, 咪PG家長指引佢睇囉, 9:30就瞓啦, 老公剛剛返, 等佢睇埋新聞先瞓, 不過喺房討論咗好耐學校D嘢, 嗰個30周年聚餐真係搞到我地好煩, 去又唔係, 唔去又唔係!