20/11/13

20/11/13   WED   COOL

今日如常啦, 不過笨元一早起咗身仲自動波做好哂D嘢, 我起身時已經換緊衫, 所以今日都好早出到門口, 返到去咪有得排隊囉, 仲周圍跑添, 喺車就應承我唔跑架, 但一落車就已經跑上去玩啦, 之後比我捉番返嚟話, 就搵個背脊對住我, 最終我講明唔可以跑到咁遠, 放番佢出去玩先有番表情, 正衰人! 到除鞋時先見到佢成頭汗, 洗唔洗咁誇! 買埋早餐返公司啦, 朝早都係做吓自己嘢, 下午整會嗰D文件, 要prepare好下星期交貨比Nicho, 唔係到時都唔知佢搞唔搞得掂! 做到真係過咗時先放工, 蝕呀! 返到去又開另一份工啫, 捉笨元沖咗涼先, 然後叫佢攞定功課出嚟睇同溫埋書就食飯啦, 飯後有份功課係要做實驗, 交比老公搞啦, 不過笨元都係太興奮, 好易搞亂哂! 佢做好哂嘢就比佢睇電視, 其實佢都係纏住我咁解啫, 9:30要佢瞓覺啦, 我就執緊自己房的櫃筒, 其實都唔係掉咗好多嘢, 但執一執佢都算, 好多文件都係老公GE, 問佢佢又話要番架, 咁未至於阻住就由得佢囉, 執到十點幾呀, 睇埋電視就瞓啦, 明天真係要將蕃薯粒D毛巾手套等等入櫃筒啦, 因為仲有床圍同被未洗呢!