7/11/13

7/11/13   THU   WARM

今日都有D晏先返到學校, 偷睇埋笨元喺課室搞咩, 佢係到又疊番D簿呀咁, 明知遲架啦仲搞咁多嘢, 後來問番佢先知佢話見D簿咁亂所以咪要疊番好佢, 都唔知讚唔讚佢好! 諗住入埋票先返公司, 點知打簿時又打唔到又要去櫃位排, 搞到買埋早餐返去都好遲囉! 朝早都係做吓自己嘢啦, 冇人skype好悶! 午飯食得飽飽, 都有D回吐呀! 下午做吓嘢又hea吓咁啦, 食咗個tea嘔番哂咁滯, 都未落格就出番哂嚟, 可惜! 放工後返到去笨元都係返咗一陣, 要捉佢去沖涼, 都激到我有D火火地架啦, 老公今日都早返, 沖好涼就叫佢做住珠心算先, 原來之前做漏咗一本, 今次要做番哂呢! 咁等我沖完涼食完飯休息一陣就溫埋書先可以玩, 好在以佢悟性, 溫埋默書半個鐘咩都搞掂啫! 佢自由時我都自由, 仲有得玩咗大半個鐘先講故事瞓覺, 我地就選咗套戲嚟睇到十一點幾先瞓!