5/11/13

5/11/13   TUE   WARM

今日如常咁返學啦, 明明晏咗出門口但都算早返到喎, 仲有得排隊, 所以真係好睇等幾耐車! 揍完佢就買埋早餐返工囉, 上午都係做吓自己嘢啦, 而家晚晚半夜都要去VV, 真係瞓得唔太好呀陰公! 寫吓日記吹吓水上吓網咁過日神啦, 又post咗笨元琴日份功課上FB, 大家都幾多回應! 午飯又要出去買, 阿媽又攞湯過嚟, 咁飲完湯都填補到吓, 因為早餐又嘔番八成出嚟, lunch前都餓餓地! 買埋車仔麵就返上去啦, 老細唔返套劇又好睇, 時間都過得快D! 下午整吓商會春茗D嘢, 要預備好到時Nicho方便D做嘛, 我都唔想到時放假先嚟做! 放工前食個豐富TEA, 反正都嘔架啦, 早D食咗佢啦, 果然臨尾去廁所已經嘔咗次但唔算好多, 行去撘車時又嘔, 唉…返到去笨元梗係冇瞓啦, 但食飯時都冇瞓著咁就算啦, 不過返到屋企後溫書就頂唔順啦, 反哂白眼咁嚟溫書! 結果10點幾先瞓得! 我就要摺埋D衫先, 都係10點幾先可以坐定係到休息吓睇電視!